جھانوی کپور اور ورون دھون کی فلم ’بوال‘ یہود مخالف قرار، شدید تنقید جاری

 ممبئی: بالی وڈ اداکارہ جھانوی کپور اور ورون دھون کی نئی فلم ’بوال‘ کو یہود مخالف قرار دے کر اس پر سوشل میڈیا پر تنقید کی جارہی ہے۔

نتیش تیواری کی ہدایت کاری میں بننے والی فلم کو ایمازون پرائم ویڈیو پر 21 جولائی کو ریلیز کیا گیا ہے اور فلم کے متعلق متضاد تبصرے سامنے آئے ہیں۔

’بوال‘ کی کہانی ایک شادی شدہ جوڑے کے خانگی مسائل کے گرد گھومتی ہے جو یورپ کے تاریخی مقامات کے دورے پر ہیں۔

An Auschwitz survivor’s story about his separation from his wife at the concentration camp makes Varun Dhawan realise what separation from your partner actually means.

Bawaal is tone-deaf on so many levels.

— gulab singh lakhan singh haryanewale (@IndieKnopfler) July 21, 2023

فلم کے کردار جرمنی کے مشہور نازی کیمپ میں جاتے ہیں جہاں وہ اپنے رشتے کی پیچیدگی اور مسائل کا ہولوکاسٹ سے موازنہ کرتے ہیں۔

ایک موقع پر جھانوی کپور کہتی ہیں کہ ہر رشتہ اپنے آشوٹز (کیمپ) سے گزرتا ہے اور انہوں نے خانگی مسئلے کو ہولوکاسٹ کے برابر قرار دیا۔

comparison with HITLER without knowing about Hitler, i think the #Bawaal makers think they are giving brilliant message, but they forget that Hitler is the murderer of millions peoples..!!! pic.twitter.com/oN90GjkqCb

— k (@losingame__) July 21, 2023

سوشل میڈیا صارفین کو یہ مکالمے پسند نہیں آئے اور انہوں نے فلمی کرداروں کو آڑے ہاتھے لیتے ہوئے ان کو سخت تنقید کا نشانہ بنایا ہے۔