بابراعظم 6 رنز پر آؤٹ ٹیم لنکا پریمیئر لیگ سے باہر ہوگئی

بابراعظم نے ایونٹ کی 8 اننگز میں 32.62 کی اوسط سے 261 رنز بنائے۔ فوٹو: ٹوئٹر

---

بابراعظم کی ٹیم لنکا پریمیئر لیگ سے باہر ہو گئی۔

گزشتہ روز کولمبو اسٹرائیکرز کو گال ٹائٹنز نے لو اسکورنگ مقابلے میں 8 وکٹ سے ہرا دیا، ناکام سائیڈ 74 پر ڈھیر ہوگئی۔

محمد نواز 11، بابراعظم 6 اور افتخار احمد 5 رنز بناسکے، تبریز شمسی کو 20 رنز کے عوض 4 وکٹیں لینے پر میچ کا بہترین پلیئر قرار دیا گیا، ٹائٹنز نے ہدف 8.3 اوورز میں 2 وکٹ پر حاصل کرلیا، لسیتھ کروسپولے 42 پر ناٹ آؤٹ رہے، افتخار نے ایک وکٹ لی۔

یہ بھی پڑھیں: 'بابر ہمارے کنگ ہیں' حسن نے جشن نہ منانے کی وجہ بتادی

بابراعظم نے ایونٹ کی 8 اننگز میں 32.62 کی اوسط سے 261 رنز بنائے،ان کی بہترین کاوش 104 رنز اوراسٹرائیک ریٹ 123.48 رہا، ایک سنچری اور ففٹی بابر کے نام پر درج ہوئی۔