میڈرڈ ماسٹرز ماریا شراپو واٹر افی سے ایک فتح دور

ماریہ شیراپوا ٹرافی کے لئے آج رومانیہ کی سیمونا ہالیپ کا سامنا کریں گی، فوٹو : فائل

---

روسی ٹینس اسٹار ماریا شراپووا میڈرڈ ماسٹرز کی ٹرافی سے ایک فتح کی دوری پر پہنچ گئیں۔انھوں نے فائنل فور میں تھرڈ سیڈ پولش حریف اگنیسکا ریڈوانسکا کو اسٹریٹ سیٹ میں 6-1 اور6-4 سے ٹھکانے لگادیا،

دفاعی چیمپئن سرینا ولیمز کے انجرڈ ہوکر ایونٹ سے باہر ہوجانے کے بعد شراپووا کو ٹائٹل کیلیے فیورٹ قرار دیا جارہا ہے، ٹرافی کیلیے وہ اتوار کو رومانیہ کی سیمونا ہالیپ کا سامنا کریںگی، جنھوں نے دوسرے سیمی فائنل میں جمہوریہ چیک سے تعلق رکھنے والی پیٹرا کیوٹوا کو 6-7(4/7)،6-3 اور6-2 سے ہرادیا، مینز سنگلز سیمی فائنل میں دفاعی چیمپئن رافیل نڈال نے ہموطن اسپینش پلیئر روبرٹو بوٹسٹا اگٹ کو6-4 اور6-3 سے شکست دے دی۔تفصیلات کے مطابق میڈرڈ ماسٹرز ٹینس ٹورنامنٹ اختتامی مراحل میں داخل ہوگیا۔

ہفتے کو ویمنز سنگلز سیمی فائنلز میں ماریا شراپووا اور سیمونا ہالیپ نے فتوحات حاصل کرلیں، روسی اسٹار شراپووا نے کلے سیزن میں بتدریج ردھم حاصل کرلیا، اگرچہ ان کیلیے سال کا آغاز مشکل رہا ، انھوں نے تھرڈ سیڈ اگنیسکا ریڈوانسکا کیخلاف ابتدائی سیٹ 6-1 سے باآسانی جیت لیا، دوسرے سیٹ میں بھی شراپووا حریف پر غالب رہیں۔

انھوں نے پہلے تینوں گیمز جیت کر 3-0 سے حریف پر دباؤ برقرار بنائے رکھا، ورلڈ نمبر3 اگنیسکا نے اس موقع پر بڑی بہادری کا مظاہرہ کرتے ہوئے اگلے چاروں گیمز جیت کر اسکور 4-3 سے اپنے حق میں کیا، لیکن اس کے بعد اگلے دونوں گیمز ماریا نے اپنے نام کرکے مقابلے کو تیسرے سیٹ میں جانے سے بچالیا، اس سے قبل 4 سیڈ رومانیہ کی سیمونا ہالیپ نے ڈھائی گھنٹے کی بھرپور جدوجہد کے بعد سابق ومبلڈن چیمپئن پیٹرا کیوٹوا کو ٹھکانے لگادیا، انھوں نے پہلی مرتبہ ایونٹ کے فائنل میں جگہ بنائی۔مینز سنگلز سیمی فائنل میں دفاعی چیمپئن رافیل نڈال نے ہموطن اسپینش پلیئر روبرٹو بوٹسٹا اگٹ کو 6-4 اور6-3 سے شکست دے دی۔