کوئٹہ منشیات اسمگلروں کیساتھ جھڑپ کے دوران اے این ایف کے 3 جوان زخمی
4 کلوگرام چرس سے بھرا منشیات کا بیگ ملزمان چھوڑ کر فرار ہوگئے
منشیات اسمگلروں کے ساتھ جھڑپ کے دوران اے این ایف کے 3 جوان زخمی ہوگئے جبکہ ملزمان منشیات چھوڑ کر فرار ہوگئے۔
حکام کے مطابق اے این ایف ٹیم نے اہلیان علاقہ کی منشیات فروشی بارے شکایات پر مغربی بائی پاس کوئٹہ کے قریب ہوٹل پر چھاپہ مارا جہاں ملزمان ہوٹل کی آڑ لیکر منشیات فروشی کا دھندہ کر رہے تھے۔
ملزمان نے فرار ہوتے ہوئے فائرنگ شروع کر دی اور فائرنگ کے تبادلے میں اے این ایف کے 3 جوان زخمی ہوگئے جبکہ ملزمان کی فائرنگ سے قریب سے گزرنے والے ایک ٹرک کا ڈرائیور بھی زخمی ہوا۔ ملزمان منشیات کا بیگ جس میں سے 4 کلوگرام چرس برآمد ہوئی چھوڑ کر فرار ہوگئے۔
ترجمان اے این ایف کا کہنا تھا کہ ملزمان کی گرفتاری کے لیے تمام وسائل بروئے کار لائے جا رہے ہیں۔
