ایشین والی بال ٹورنامنٹ پاکستان نے بھارت کو شکست دیکر 5 ویں پوزیشن حاصل کرلی
پاکستان ٹیم کو کوارٹر فائنل میں قطر سے شکست ہوئی تھی
پاکستان نے بھارت کو 0-3 سے شکست دے کر ایشین گیمز والی بال ٹورنامنٹ میں 5 ویں پوزیشن حاصل کرلی۔
چین میں جاری 19 ویں ایشین گیمز کے والی بال ٹورنامنٹ میں 5 ویں پوزیشن کے لیے ہونے والے مقابلے میں قومی ٹیم نے ایک دلچسپ مقابلے میں روایتی حریف بھارت کو مات دے دی۔
پاکستان نے پہلا سیٹ 21-25 سے جیتنے کے بعد دوسرے سیٹ میں 20-25 سے کامیابی پائی اور پھر تیسرے سیٹ میں 23-25 سے فتح اپنے نام کرلی۔
قبل ازیں پول ڈی میں پاکستان ٹیم منگولیا، چائنیز تائپے اور جنوبی کوریا کومات دینے کے بعد کوارٹر فائنل میں قطرسے شکست کھا گئی تھی۔
