جھل مگسی نامعلوم افراد کی گھر میں گھس کر فائرنگ خاتون سمیت 2 افراد جاں بحق
واقعہ گنداواہ کے علاقے میں پیش آیا، لاشوں اور 3 زخمیوں کو ڈی ایچ کیو اسپتال منتقل کردیا گیا، پولیس نے تفتیش شروع کردی
نامعلوم افراد نے گھر میں گھس کر فائرنگ کرکے خاتون سمیت 2 افراد کو قتل کردیا۔
پولیس کے مطابق جھل مگسی کے علاقے گنداواہ میں نامعلوم افراد نے گھر میں گھس کر فائرنگ کی، جس سے خاتون سمیت 2 افراد جاں بحق ہو گئے جب کہ 3 افراد زخمی ہیں۔
لاشوں اور زخمیوں کو ڈی ایچ کیو اسپتال منتقل کردیا گیا ہے۔ پولیس نے جائے وقوع سے شواہد اکٹھے کرکے واقعے کی تفتیش شروع کردی ہے۔
