پاکستان کو موقع ملا مگر ٹیم کے پاس ٹیلنٹ نہیں، شعیب اختر

ویب ڈیسک  ہفتہ 14 اکتوبر 2023
جس نے سوچا کہ پرومو پاکستان اور بابراعظم بغیر مکمل ہے، وہ خود سے مذاق کررہا ہے، سابق کرکٹر (فوٹو: ایکسپریس ویب)

جس نے سوچا کہ پرومو پاکستان اور بابراعظم بغیر مکمل ہے، وہ خود سے مذاق کررہا ہے، سابق کرکٹر (فوٹو: ایکسپریس ویب)

 راولپنڈی: قومی کرکٹ ٹیم کے سابق فاسٹ بولر شعیب اختر نے بھارت کے ہاتھوں شکست پر بابر الیون کو آڑے ہاتھوں لے لیا۔

شعیب اختر نے میچ میں بھارت کے ہاتھوں شرمناک شکست پر اپنی ویڈیو جاری کی اور کہا کہ اتنی زبردست بیٹنگ پچ پر بڑا اسکور کرنے کا موقع پاکستانی ٹیم نے ضائع کیا۔ ٹیم کو بہت اچھا موقع ملا مگر اس کے پاس ٹیلنٹ نہیں تھا۔


انہوں نے کہا کہ پاکستانی کھلاڑی بڑا سکور نہیں کرسکے جو بہت مایوس کن ہے، بھارت نے زبردست بولنگ کی اور روہیت شرما نے بھی عمدہ کپتانی کا مظاہرہ کیا۔

شعیب اختر نے مزید کہا کہ روہت نے میچ کے لیے زبردست بولرز کا انتخاب کیا۔

مزید پڑھیں: پاک بھارت میچ: بابراعظم نے شکست کا ذمہ دار کس کو قرار دیا؟

واضح رہے کہ ہفتہ کو بھارتی شہر احمد آباد میں ورلڈ کپ کے گروپ میچ میں بھارت نے پاکستان کو 7 وکٹوں سے بدترین شکست دی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔