بابراعظم، رضوان کی اوپننگ جوڑی پر عماد کا موقف سامنے آگیا

ویب ڈیسک  جمعرات 1 فروری 2024
نوجوان کرکٹرز کے کیرئیر کو دو چار اننگز کی بنیاد پر نہیں دیکھنا چاہیے، سابق آل راؤنڈر (فوٹو: کرک انفو)

نوجوان کرکٹرز کے کیرئیر کو دو چار اننگز کی بنیاد پر نہیں دیکھنا چاہیے، سابق آل راؤنڈر (فوٹو: کرک انفو)

قومی ٹیم کے سابق آل راؤنڈر عماد وسیم نے بابراعظم اور محمد رضوان کی اوپننگ جوڑی کو تبدیل کرنے پر اپنے موقف دیدیا۔

مقامی ویب سائٹ کو انٹرویو دیتے ہوئے سابق آل راؤنڈر عماد وسیم نے کہا کہ اگر ٹیم مینجمنٹ نے بابراعظم اور محمد رضوان کی اوپننگ جوڑی کو تبدیل کرنے کا فیصلہ کیا ہے تو انہیں نوجوان کرکٹر کو مواقع دینا ہوں گے، دو چار اننگز کی بنیاد پر کسی کا فیصلہ نہیں ہونا چاہیے۔

انہوں نے کہا کہ آئی سی سی ٹی20 ورلڈکپ سے قبل ہمارے پر 12 میچز موجود ہیں، ہمیں یہ بات ماننی چاہیے کہ محمد رضوان اور بابر اعظم نے مختصر ترین فارمیٹ کی تاریخ میں سب سے مضبوط اوپننگ جوڑی کے طور پر خود کو قائم کیا تھا، دونوں نے مل کر اپنی ابتدائی شراکت میں 50.04 کی شاندار اوسط کے ساتھ مجموعی طور پر 2452 رنز بنائے جبکہ متعدد ریکارڈز بھی اپنے نام کیے تھے۔

مزید پڑھیں: بی پی ایل: بنگلہ دیش میں بابراعظم سے آٹوگراف لینے والی لڑکی مشہور ہوگئی

سابق آل راؤنڈر نے کہا کہ اگر مجھ سے پوچھیں تو میں بابراعظم کے ساتھ اوپننگ کیلئے جاؤں گا، ہم ان پر تنقید کر سکتے ہیں لیکن انہوں نے متعدد مرتبہ فتوحات میں اہم کردار ادا کیا ہے۔

بابراعظم طویل عرصے سے پاکستان کی عزت اور فخر کے ساتھ خدمت کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔