میری اہلیہ پر تنقید کیوں کی؟ جڈیجا والد پر برس پڑے

اسپورٹس ڈیسک  ہفتہ 10 فروری 2024
میرے والدنے انٹرویو میں بے بنیادباتیں کی ہیں، انھوں نے میری اہلیہ کا تاثربگاڑا، بہترہے کہ اس سے بازرہیں، رویندراجڈیجا۔ فوٹو: ویب

میرے والدنے انٹرویو میں بے بنیادباتیں کی ہیں، انھوں نے میری اہلیہ کا تاثربگاڑا، بہترہے کہ اس سے بازرہیں، رویندراجڈیجا۔ فوٹو: ویب

چنئی: رویندرا جڈیجا اہلیہ کو تنقید کا نشانہ بنانے والے اپنے والد پر برس پڑے۔

بھارتی آل راؤنڈر کے والد انیرد سنہا نے ایک انٹرویو میں کہا کہ میری بہو ریوابا کی وجہ سے بیٹے کا رویہ بہت تبدیل ہوچکا، میں اب الگ رہتا ہوں، ایک ہی شہر میں رہتے ہوئے ہماری ملاقات نہیں ہوتی، اب بول چال بھی بند ہوچکی، میں نہیں جانتا کہ بہو نے بیٹے پر کیا جادو کیا ہے، کاش میں اس کی شادی ہی نہ کرتا، ہماری فیملی میں 50افراد غلط نہیں ہوسکتے۔

یہ بھی پڑھیں: آئی سی سی نے بھارتی کرکٹر رویندر جڈیجا پر جرمانہ عائد کردیا

سوشل میڈیا کا سہارا لیتے ہوئے رویندرا جڈیجا نے کہا کہ میرے والد نے انٹرویو میں بے بنیاد باتیں کی ہیں، انھوں نے میری اہلیہ کا تاثر بگاڑا، بہتر ہے کہ اس سے باز رہیں، میرے پاس بھی کہنے کو بہت کچھ ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔