حماد اظہر کی انتخابات میں مداخلت کے خلاف عالمی عدالت سے رجوع کرنے کی تجویز

حماد اظہر نے پارٹی کی کور کمیٹی کو تجویز دے دی—فوٹو: فائل

---

پاکستان تحریک انصاف (پی ٹی آئی) کے رہنما حماد اظہر نے اپنی پارٹی کو تجویز دی ہے کہ انتخابات میں مداخلت کے خلاف عالمی عدالت میں درخواست دائر کی جائے۔

سماجی رابطے کی ویب سائٹ ایکس پر حماد اظہر نے کہا کہ 'میں اپنی جماعت کی کور کمیٹی (سی سی) کو تجویز دوں گا کہ پاکستان میں جمہوری عمل میں مداخلت، آئین کی خلاف ورزی اور انسانیت کے خلاف جرائم کے ارتکاب کے خلاف عالمی عدالت میں درخواست دائر کی جائے'۔

رہنما پی ٹی آئی نے کہا کہ 'ہماری عدلیہ کو جمہوریت اور آئین کے حق میں کھڑے ہونے کا وقت ہے'۔

 

 

I will be proposing to our party's CC to move a petition in international courts against interference in the democratic process, subversion of constitution & crimes against humanity committed in Pakistan. Time for our own judiciary to wake up & stand for democracy & constitution.

- Hammad Azhar (@Hammad_Azhar) February 11, 2024

خیال رہے کہ 8 فروری کو پاکستان میں عام انتخابات کا انعقاد ہوا لیکن پی ٹی آئی کی جانب سے نتائج میں ردوبدل کا الزام عائد کیا گیا اور احتجاج کیا جا رہا ہے۔ دوسری جانب پی ٹی آئی کے سینئر رہنما اور سیکریٹری جنرل عمر ایوب خان نے حماد اظہر کے ٹوئٹ کا جواب دیتے ہوئے کہا کہ 'ان شااللہ اس کو دیکھیں گے'۔

Will second this inshallah. https://t.co/FyAqXJqX2X

- Omar Ayub Khan (@OmarAyubKhan) February 11, 2024

 

سابق وزیراعلیٰ چوہدری پرویز الہٰی نے بھی ٹوئٹ کا جواب دیتے ہوئے کہا کہ 'میں اس تجویز کی پرزور حمایت کرتا ہوں، ہمیں فوری طور پر کور کمیٹی کا اجلاس طلب کرنا چاہیے اور اس تجویز کی منظوری دی جانی چاہیے'۔

 

I strongly endorse this. We should call an urgent meeting of our core committee and have this passed. https://t.co/yta4A21bkr

- Moonis Elahi (@MoonisElahi6) February 11, 2024