بنگلہ دیشی فاسٹ بولر سر پر گیند لگنے کے باعث زخمی، اسپتال منتقل

ویب ڈیسک  اتوار 18 فروری 2024
واقعہ کومیلا وکٹورینز کے پریکٹس سیشن کے دوان پیش آیا (فوٹو: ٹوئٹر)

واقعہ کومیلا وکٹورینز کے پریکٹس سیشن کے دوان پیش آیا (فوٹو: ٹوئٹر)

بنگلہ دیشی فاسٹ بولر مستفیض الرحمان سر پر گیند لگنے کے باعث شدید زخمی ہوگئے۔

میڈیا رپورٹس کے مطابق چٹوگرام کے ظہور احمد چوہدری اسٹیڈیم میں کومیلا وکٹورینز کے پریکٹس سیشن کے دوان کرکٹر مستفیض الرحمان کے سر گیند لگ گئی جس کے باعث خون بہنے لگا۔

بنگلہ دیشی کرکٹر کو فوری طبی امداد فراہم کرتے ہوئے قریبی اسپتال منتقل کردیا گیا ہے۔

مزید پڑھیں: رضوان کی بی پی ایل کے رواں ایڈیشن میں مایوس کن کارکردگی

میتھیو فورڈ کی جانب سے پریکٹس سیشن کے دوران شارٹ کھیلا گیا تھا تاہم فیلڈر گیند روکنے میں ناکام رہے اور بال مستفیض کے سر پر جالگی، جس سے انہیں شدید چوٹیں آئیں۔

واضح رہے کہ تیز گیند باز بنگلہ دیش پریمیئر لیگ (بی پی ایل) کے جاری سیزن میں کومیلا وکٹورینز کی نمائندگی کررہے ہیں جبکہ انہوں نے 9 میچز میں 11 وکٹیں حاصل کررکھی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔