پی ایس ایل9؛ صائم ایوب نے منفرد کارنامہ سرانجام دیدیا

ویب ڈیسک  منگل 5 مارچ 2024
شاندار بالنگ کے باوجود زلمی کو 29 رنز سے شکست (فوٹو: پی سی بی)

شاندار بالنگ کے باوجود زلمی کو 29 رنز سے شکست (فوٹو: پی سی بی)

پاکستان سپر لیگ (پی ایس ایل) کے نویں ایڈیشن میں پشاور زلمی کے اوپنر صائم ایوب نے منفرد کارنامہ سرانجام دیدیا۔

گزشتہ روز راولپنڈی کرکٹ اسٹیڈیم میں کھیلے گئے میچ میں اسلام آباد یونائیٹڈ نے پشاور زلمی کو 29 رنز سے شکست دی تاہم زلمی کے کپتان بابراعظم نے پہلے بالنگ کرتے ہوئے پہلا اوور صائم ایوب سے کروایا جنہوں نے حیران کن طور پر پہلی ہی گیند پر ایلکس ہیلز کے وکٹ لے لی جبکہ دوسرے اوور میں صائم نے کولن منرو کو اپنا شکار بنایا۔

بابراعظم نے صائم سے 2 اوورز کروائے جس میں انہوں نے 15 رنز کے عوض 2 وکٹیں حاصل کیں۔

مزید پڑھیں: پی ایس ایل9؛ دونوں میچز بارش کے سبب منسوخ

زلمی کے نوجوان اوپنر صائم ایوب پی ایس ایل کی تاریخ کے پہلے کھلاڑی ہیں جنہوں نے پہلی گیند پر وکٹ حاصل کی، اس سے قبل کوئی کھلاڑی یہ کارنامہ سرانجام نہیں دے سکا تھا۔

مزید پڑھیں: پی ایس ایل9؛ وسیم اکرم نے بابراعظم کی تعریفوں کے پُل باندھ دیئے

واضح رہے کہ پشاور زلمی کو میچ میں شکست ہوئی، جس کے بعد پوائںٹس ٹیبل پر 7 میچوں میں 3 فتوحات کے ہمراہ 7 پوائنٹس ہیں اور چوتھی پوزیشن پر موجود ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔