- روزانہ ہزاروں ڈالرز کا سونا اگلنے والا آتش فشاں پہاڑ
- واٹس ایپ کا آئی فون صارفین کے لیے نیا فیچر
- غزہ میں اسرائیلی بمباری سے فلسطینی شاعر کی بیٹی پورے خاندان سمیت شہید
- عمران خان نے پارٹی قیادت کو اسٹیبلمشنٹ اور سیاسی جماعتوں سے مذاکرات کی اجازت دیدی
- سپریم کورٹ کا ملک بھر سے سڑکوں اور فٹ پاتھوں سے تجاوزات ختم کرنے کا حکم
- طارق بگٹی کی صدر پی ایچ ایف تعیناتی کی تصدیق
- وزیراعظم کا کسانوں سے گندم کی فوری خریداری کا حکم
- کسی بھی مداخلت پر ادارہ جاتی ردعمل دیا جائے،اسلام آباد ہائیکورٹ کی سپریم کورٹ کو تجاویز
- پنجاب اور لاہور کے بیشتر اضلاع میں آج تیز ہواؤں کے ساتھ بارش کا امکان
- امریکا کی طرح پاکستانی یونیورسٹیز میں بھی غزہ مہم کا اعلان
- پاور ڈویژن نے سولر پاور پر ٹیکس کی خبروں کو جھوٹ قرار دیدیا
- وزیراعظم عالمی اقتصادی فورم اجلاس میں شرکت کیلئے سعودی عرب روانہ
- ارشدشریف قتل کیس؛ حامد میر کا جوڈیشل کمیشن کے قیام کیلیے عدالت سے رجوع
- ہماری جوڈیشری میں بھی کالے دھبے موجود ہیں، جسٹس منصور
- سونے کی قیمت میں فی تولہ 600 روپے کمی
- وزیراعلیٰ پختونخوا بنی گالہ تھانے میں درج مقدمے سے بری
- لاہور میں جرمن سفیر کی تقریر کے دوران فلسطین کے حق میں احتجاج
- کراچی میں اُدھار نہ دینے پر 60 سالہ دُکان دار قتل
- خیبر؛ پولیس پر حملوں اور طلبہ کے اغوا میں ملوث انتہائی مطلوب دہشتگرد مارا گیا
- جسٹس بابر آڈیو لیکس کیس سے الگ ہوجائیں، چار اداروں نے متفرق درخواست دائر کردی
ڈالر کی کشش شین واٹسن کو کوچنگ سنبھالنے پر قائل کرنے لگی
کراچی: ڈالرز کی کشش شین واٹسن کوپاکستان ٹیم کی کوچنگ سنبھالنے پر قائل کرنے لگی جب کہ منہ مانگے معاوضے اور دیگر مطالبات پر پی سی بی کی رضامندی نے سابق آسٹریلوی آل راؤنڈر کو پیشکش پر سنجیدگی سے غور پر مجبور کر دیا۔
دورہ آسٹریلیا اور نیوزی لینڈ میں ٹیم ڈائریکٹر (ہیڈکوچ) محمد حفیظ تھے مگر دونوں سیریز میں بدترین ناکامیوں کا سامنا کرنا پڑا،نئے چیئرمین محسن نقوی نے سابق آل راؤنڈر کے ساتھ معاہدے کو توسیع دینا مناسب نہ سمجھا،انھوں نے غیرملکی کوچز کی خدمات لینے کا عندیہ دیا۔
اس حوالے سے ایچ بی ایل پی ایس ایل کیلیے پاکستان آنے والے کوچز سے رابطہ بھی کیا گیا، البتہ محسن نقوی کو شین واٹسن نے زیادہ متاثر کیا جو کوئٹہ گلیڈی ایٹرز کے ساتھ منسلک ہیں۔
یہ بھی پڑھیں: قومی ٹیم کی کوچنگ؛ شین واٹسن نے بورڈ سے بھاری معاوضہ مانگ لیا
واٹسن نے ابتدا میں فیملی وجوہات کی وجہ سے خاص دلچسپی نہیں دکھائی، پھر خطیر معاوضہ طلب کر لیا،حیران کن طور پر پی سی بی بھی ان کو 2 ملین ڈالر سالانہ (تقریبا 55کروڑ روپے ) دینے پر آمادہ ہو گیا، ماہانہ رقم تقریبا ساڑھے چار کروڑ روپے بنے گی، اگر یہ ڈیل ہو گئی تو واٹسن پاکستان تاریخ کے سب سے مہنگے کوچ بن جائیں گے، ان کے دیگر مطالبات تسلیم کرنے پر بھی بورڈ آمادہ ہے۔
واٹسن کے قریبی ذرائع نے بتایا کہ وہ اب اس پیشکش پر سنجیدگی سے غور کر رہے ہیں، انھیں تحریری طور پر آفر کا انتظار ہے جس کے بعد ممکنہ طور پر ’’ہاں‘‘ میں جواب بھی ممکن ہو سکے گا، البتہ انھوں نے واضح کر دیا ہے کہ وہ پورے سال پاکستان میں نہیں رہ سکتے، صرف کسی سیریز یا کیمپ سے قبل آیا کریں گے،البتہ غیرملکی ٹورز پر ٹیم کے ساتھ جایا کریں گے، اس طرح انھیں فیملی کے ساتھ وقت گذارنے کا موقع مل سکے گا۔
واٹسن صرف وائٹ بال میں ذمہ داری نبھائیں گے، ٹیسٹ کرکٹ کیلیے پی سی بی کو کسی اور کوچ کی تلاش کرنا پڑے گا،ورلڈکپ 2015 میں طوفانی اسپیل سے پریشان کرنے والے وہاب ریاض بھی معاہدے کے حوالے سے واٹسن سے مذاکرات میں شریک ہیں، سی او او سلمان نصیر کا اہم کردار ہے، وہ اور محسن نقوی ان دنوں آئی سی سی کی میٹنگ میں شرکت کیلیے دبئی گئے ہوئے ہیں، وہاں سے واپسی پر ہی مزید پیش رفت ہو سکے گی۔
یہ بھی پڑھیں: شین واٹسن کو پاکستان کرکٹ ٹیم کا ہیڈ کوچ بنانے کا امکان
اگر واٹسن نے معاہدے پر آمادگی ظاہر کر دی تو آئندہ چند روز میں ان کی تقرری کا اعلان کر دیا جائے گا، پاکستان کرکٹ ٹیم کی اگلی مصروفیات اپریل میں نیوزی لینڈ کیخلاف ٹی ٹوئنٹی سیریز ہے، واٹسن اس سے بطور کوچ آغاز کر سکتے ہیں،البتہ ان کا اصل امتحان ورلڈکپ میں ہوگا۔
ٹی20 میں شاہین شاہ آفریدی سے قیادت کی ذمہ داری واپس لینے پر بھی غور جاری ہے، اس حوالے سے بھی نئے کوچ کی رائے اہمیت کی حامل ہو گی، کوئٹہ گلیڈی ایٹرز کیلیے بطور کوچ واٹسن بہتر ثابت ہوئے اور ٹیم نے چار سال بعد پلے آف مرحلے میں جگہ بنائی ہے،پی سی بی کو لگتا ہے کہ وہ پاکستانی ٹیم کو بھی فتوحات کی راہ پر گامزن کر سکتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔