انسداد دہشتگردی عدالت میں ضمانت کی درخواست، بانی پی ٹی آئی پر فرد جرم 29 جولائی کو عائد ہوگی

ویب ڈیسک  پير 8 جولائی 2024
بانی پی ٹی آئی کے ساتھ وزیراعلیٰ خیبرپختوانخوا نے بھی ضمانت کی درخواست دے رکھی ہے:فوٹو:فائل

بانی پی ٹی آئی کے ساتھ وزیراعلیٰ خیبرپختوانخوا نے بھی ضمانت کی درخواست دے رکھی ہے:فوٹو:فائل

 اسلام آباد: اسلام آباد کی انسداد دہشتگردی عدالت میں بانی پی ٹی آئی اور دیگر کی دہشتگردی کے مقدمات میں ضمانت قبل از گرفتاری کی درخواستوں پر سماعت ہوئی۔

انسداد دہشت گردی عدالت میں بانی پی ٹی آئی اور دیگر کے خلاف  تھانہ سنگجانی اور آئی 9 میں درج دہشتگردی کے مقدمات میں ضمانت قبل از گرفتاری کی درخواستوں کی سماعت ہوئی۔ وزیر اعلیٰ کے پی کے علی امین گنڈاپور اور ن لیگی ایم این اے خرم نواز عدالت میں پیش ہوئے۔ کیس کی سماعت انسدادِ دہشت گردی عدالت کے جج طاہر عباس سپرا نے کی۔

جج طاہر سپرا نے ریمارکس دئیے کہ آج راجا صاحب چالان کی نقول دے دیں گے۔ عدالت نے کیس کی سماعت 29 جولائی تک ملتوی کردی۔ آئندہ پیشی پر ملزمان پر فرد جرم عائد کی جائے گی۔ وزیراعلیٰ کے پی کے خلاف تھانہ آئی 9 میں دہشتگردی کا مقدمہ درج ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔