کراچی میں مسلح افراد کی فائرنگ سے 3 پولیس اہلکارزخمی جوابی کارروائی میں ایک حملہ آورہلاک

پولیس کی جوابی فائرنگ کے نتیجے میں ایک حملہ آور ہلاک اور تین فرار ہوگئے،فوٹو:فائل

---

بنارس پل پر نامعلوم مسلح افراد کی فائرنگ سے 3 پولیس اہلکار زخمی ہوگئے جبکہ پولیس کی جوابی فائرنگ میں ایک حملہ آوربھی مارا گیا۔

ایکسپریس نیوز کے مطابق کراچی کے علاقے بنارس کےقریب پل پر پولیس اہلکار معمول کی اسنیپ چیکنگ میں مصروف تھے کہ 2موٹرسائیکلوں پر سوار 4 نامعلوم مسلح افراد نے ان پر اندھا دھند فائرنگ کردی جس کے نتیجے میں 3 پولیس اہلکار زخمی ہوگئے جبکہ پولیس کی جوابی فائرنگ ایک حملہ آور ہلاک اور 3 فرار ہوگئے،زخمی پولیس اہلکاروں کو فوری طبی امداد کے لئے قریبی اسپتال منتقل کردیا گیا۔