برازیل میں ایکس پر پابندی عائد

ریو ڈی جنیرو: برازیل میں ایلون مسک کا ایکس سوشل میڈیا پلیٹ فارم باضابطہ طور پر بندش کے قریب ہے۔

برازیل X کی سب سے بڑی منڈیوں میں سے ایک ہے جہاں لاکھوں صارفین ہیں۔ سپریم کورٹ کے جسٹس الیگزینڈر ڈی موریس نے کمپنی پر ملک میں قانونی نمائندہ مقرر کرنے میں ناکام ہونے کا الزام عائد کرنے کے بعد X کو بند کرنے کا حکم دیا ہے۔

یہ بندش ایلون مسک اور جسٹس ڈی موریس کے درمیان آزادانہ تقریر اور غلط معلومات پر مبنی پوسٹوں پر ایک مہینوں تک جاری رہنے والے تنازعہ میں اضافے کی نشاندہی کرتی ہے۔

اپنے شٹ ڈاؤن آرڈر میں جسٹس ڈی موریس نے کہا کہ X اس وقت تک معطل رہے گا جب تک کمپنی اس کے حکم کی تعمیل نہیں کرتی۔ مزید برآں ان افراد یا فرموں کے لیے تقریباً 8,900 ڈالرز کا جرمانہ مقرر کیا جاتا ہے جو ورچوئل پرائیویٹ نیٹ ورک، وی پی این یا کسی ذریعے سے سائٹ تک رسائی حاصل کرنے کی کوشش کرتے ہیں۔

واضح رہے کہ ایکس 30 اگست تک برازیل میں فعال تھا لیکن پلیٹ فارم سرکاری طور پر ایک دن بعد آف لائن کردیا گیا۔