SHAKARGARH:
تھانہ ظفروال کی حدود میں رشتے کے تنازع پر فائرنگ سے تین خواتین اور ایک کم سن بچے سمیت چار افراد جاں بحق اور دو زخمی ہوگئے۔
تفصیلات کے مطابق فائرنگ کا واقعہ تھانہ ظفروال کے نواحی گاؤں خوشحال گڑھ میں پیش آیا جہاں فائرنگ کے نتیجے میں تین خواتین موقع پر جاں بحق اور بچے سمیت تین افراد زخمی ہوگئے۔
پولیس نے موقع پرپہنچ کر لاشوں کوتحویل میں لے لیا اور زخمی ہونے والے تینوں افراد کو اسپتال منتقل کردیا جہاں زخمی 6 سالہ عبداللہ زخموں کی تاب نہ لاسکا اوردم توڑ گیا۔
فائرنگ کے الزام میں پولیس نے گڈونامی ملزم کو گرفتار کرلیا جو اپنے گھرکوآگ لگا کر اندر ہی چھپا ہوا تھا مگر پولیس نے اسے زخمی حالت میں گرفتار کرلیا۔
پولیس کے مطابق فائرنگ اور خواتین اور بچے کو قتل کرنے کی وجہ رشتے کا تنازع بتائی جاتی ہے۔