امریکا میں ایک نئی تحقیق میں کہا گیا ہے کہ منشیات کی زیادہ مقدار اور خراب صحت کی وجہ سے نوجوان بالغ افراد توقع سے زیادہ شرح پر جلد مر رہے ہیں۔
محققین نے جاما نیٹ ورک اوپن میں رپورٹ کیا کہ 25 سے 44 سال کے بالغ افراد میں جلد موت کی شرح 2011 سے پہلے کے مقابلے 2023 میں 70 فیصد زیادہ تھی۔
یونیورسٹی آف مینیسوٹا میں سوشیالوجی کے ایک ایسوسی ایٹ پروفیسر، الزبتھ رگلی نے کہا کہ کورونا سے پہلے کی سطح کی بنیاد پر جلد اموات توقع سے زیادہ رہیں۔
تاہم انہوں نے بتایا کہ یہ اموات کورونا سے پہلے ہی 25 سے 44 سال کی عمر کے بالغوں میں شروع ہوگئی تھیں جو 2019 میں توقع سے تقریباً 35 فیصد زیادہ تھیں۔
پھر وبائی مرض کے دوران، 2019 کے مقابلے میں نوجوان بالغوں میں یہ اموات تقریباً تین گنا بڑھ گئیں۔
2023 تک نوجوان بالغوں میں شرح اموات تو کم ہو گیا تھا لیکن جلد اموات کی شرح توقع سے 70 فیصد زیادہ بڑھ گئیں۔