بھارت کے سابق کرکٹر و 2011 ورلڈکپ وننگ ٹیم کے رکن ظہیر خان نے میزبان پاکستان کو چیمپئینز ٹرافی کی ٹاپ فور ٹیموں سے باہر کرکے توجہ حاصل کرلی۔
مقامی ٹی وی کو انٹرویو دیتے ہوئے سابق بھارتی کرکٹر نے بھارت، آسٹریلیا، جنوبی افریقا اور نیوزی لینڈ کو ٹاپ 4 ٹیموں میں جگہ دی جبکہ میزبان پاکستان اور انگلینڈ کی ٹیموں کو باہر نکال دیا۔
انہوں نے کہا کہ اس میں کوئی شک نہیں کہ بھارتی ٹیم سیمی فائنل میں باآسانی سے پہنچ جائے گی۔
مزید پڑھیں: کون سی ٹیمیں سیمی فائنل کھیلیں گی؟ شعیب اختر نے بتادیا
پاکستان کو ٹاپ فور میں نہ رکھنےکی وجہ بتاتے ہوئے سابق بھارتی کرکٹر کا کہنا تھا کہ پاکستان اس وقت مستقل کرکٹ نہیں کھیل رہا اور اسکواڈ میں واپس آنے والے فارم میں نہیں، اس لیے انکی ٹاپ فور میں شمولیت مشکل ہے۔
ادھر ٹورنامنٹ کی دفاعی چیمپئین اور میزبان پاکستان کو نظر انداز کرنے پر شائقین کرکٹ نے ظہیر خان کو تنقید کا نشانہ بناتے ہوئے کہا کہ وہ بھارت کو منتخب کرکے اپنے ہندستانی ہونے کا ثبوت دے رہے ہیں۔
مزید پڑھیں: چیمپئینز ٹرافی؛ فائنل کون سی دو ٹیمیں کھیلیں گی؟ رکی پونٹنگ نے بتادیا
دوسری جانب پاکستان کو میگا ایونٹ کے آغاز سے قبل نیوزی لینڈ اور جنوبی افریقا کیخلاف سہ ملکی سیریز میں حصہ لینا ہے جس کا پہلا میچ کل 8 فروری کو کھیلا جائے گا۔