متعدد تحقیقات سے پتہ چلتا ہے کہ آپ جو کھاتے ہیں اس کا براہ راست اثر آپ کی ذہنی صحت پر پڑتا ہے۔
ڈاکٹر ڈینیئل ایمن جو کیلیفورنیا میں ماہر نفسیات اور برین امیجنگ کے محقق ہیں، نے کہا کہ الٹرا پروسیسڈ فوڈز کی زیادہ مقدار ڈپریشن کے خطرے کو نمایاں طور پر بڑھا سکتی ہے۔
ڈاکٹر ڈینیئل نے دماغی افعال اور مزاج کے استحکام کو برقرار رکھنے میں معدے، آنتوں کی صحت کی اہمیت پر زور دیا۔
انہوں نے کہا کہ آپ کے معدے اور آنتوں کی صحت دماغی صحت کے لیے اہم ہے۔ اگر آپ کی ڈائیٹ الٹرا پروسیسڈ فوڈ ڈائیٹ ہے تو آپ میں ڈپریشن کا خطرہ بڑھ جاتا ہے۔
سائنسدانوں نے طویل عرصے سے معدے اور دماغ کے تعلق کا مطالعہ کیا ہے جو کہ ایک پیچیدہ مواصلاتی نظام ہے جس میں معدے اور آنتوں کے بیکٹیریا دماغ کے افعال کو متاثر کرتے ہیں اور اس کے برعکس۔
ذہنی تناؤ ہاضمے میں خلل ڈالتا ہے جب کہ ناقص غذا گٹ مائکرو بائیوٹا کو بدل سکتی ہے اور اس کے نتیجے میں موڈ اور ذہنی بہبود متاثر ہوتی ہے۔