کراچی سے ایک ماہ قبل لاپتا ہونے والے مقتول نوجوان مصطفیٰ عامر کی والدہ نے دعویٰ کیا ہے کہ مارشا نامی لڑکی کی وجہ سے میرے بیٹے اور ارمغان میں چپقلش پیدا ہوئی، اس لڑکی نے ہی ارمغان کو میرے بیٹے کو مروانے کا کہا تھا۔
اغوا کےبعد دوستوں کے ہاتھوں قتل مصطفی عامر کی والدہ نے میڈیا سے غیررسمی گفتگو کرتے ہوئے کہا کہ ریاست ہمیں انصاف دلوائے۔
انہوں نے انکشاف کیا کہ مصطفیٰ کو مارنے کے بعد ارمغان نے مارشا شاہد کو بتایا بھی کہ مصطفی کو مار دیا ،واپس آنے کے بعد لڑکی کی مصطفیٰ سے بہت زیادہ لڑائی شروع ہوگئی تھی سال 22 دسمبر 2025 کو لڑکی امریکہ سے واپس آئی تھی، لڑکی اگست 2024 میں پڑھنے کے لیے امریکہ چلی گئی تھی۔
یہ بھی پڑھیں: مصطفیٰ عامر قتل کیس: تحقیقات میں سنسنی خیز انکشافات سامنے آگئے
والدہ نے کہا کہ لڑکی نے ارمغان کو میرے بیٹے کو مروانے کا کہا تھا، لڑکی میرے بیٹے کو دھوکا دے رہی تھی، لڑکی سے میرے بیٹے کا گزشتہ 4 سال سے تعلق تھا، مقتول کی قبرکشائی کی اجازت دی جائے۔
انہوں نے کہا کہ معاملہ پولیس تک پہنچے پر مارشا امریکا فرار ہوگئی، پولیس نے مارشا کو تفتیش کیلئے بلایا تھا، اس لڑکی کی وجہ سے میرے بیٹے اور ارمغان میں چپقلش پیدا ہوئی، مارشا کے ارمغان اور دیگر لڑکوں سے بھی تعلقات ہیں،مارشا شاہد نشے کی عادی ہے۔