12 سال سے اکیلے اپنی سالگرہ مناتی آرہی ہوں، گووندا کی اہلیہ کا انکشاف

خود ہی کیک کاٹ لیتی ہوں اور اکیلے ہی جشن مناتی ہوں


ویب ڈیسک February 18, 2025

بالی ووڈ کے معروف اداکار گووندا کی اہلیہ سُنیتا آہوجا نے انکشاف کیا ہے کہ وہ شوہر اور بچوں کے بغیر اپنی سالگرہ مناتی ہیں۔

بھارتی میڈیا کی رپورٹ کے مطابق ایک حالیہ انٹرویو میں سنیتا آہوجا نے بتایا کہ وہ گزشتہ 12 سالوں سے اکیلے ہی اپنی سالگرہ مناتی آرہی ہیں۔ ان کا کہنا تھا کہ سالگرہ کے دن وہ صبح مندر جاتی ہیں اس کے بعد شام کے 8 بجتے ہی شراب کی بوتل کھولتی ہیں۔

سنیتا کا کہنا تھا کہ انہیں شراب نوشی بےحد پسند ہے وہ ساری زندگی بچوں کے ساتھ مصروف رہیں مگر اب کیونکہ بچے بڑے ہوچکے ہیں تو وہ اکیلے وقت گزارنا پسند کرتی ہیں۔ انہوں نے بتایا کہ ان کے پینے کے شوق پر گووندا کہتے ہیں کہ ہمارے گھر میں ایک ’دھرم جی‘ ہیں۔

سنیتا نے مزید بتایا کہ وہ ہر وقت شراب نوشی نہیں کرتیں بلکہ صرف خوشی کے موقع جیسے سالگرہ، تہوار وغیرہ پر یا صرف اتوار کے روز ایسا کرتی ہیں۔

شوہر گووندا سے اپنی تعلق پر اظہار خیال کرتے ہوئے سنیتا کا کہنا تھا کہ شروعات میں ان کے درمیان اختلافات تھے اور اکثر بحث بھی ہو جاتی تھی تاہم جو چیز گووندا کو پسند نہیں تھی انہوں نے خود کو ان کی خواہش کے مطابق ڈھال لیا جیسے باب کٹ سے لمبے بال رکھ لیے۔

سنیتا نے مزاحیہ انداز میں کہا کہ محبت اندھی ہوتی ہے مگر اب ان کی آنکھیں کھل رہی ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں