بھارتی شہر کولکتہ میں فٹ پاتھ پر رہنے والے خاندان کی 7 ماہ کی بیٹی کو جنسی زیادتی کا نشانہ بنایا گیا تھا۔
عالمی خبر رساں ادارے کے مطابق یہ دل دہلادینے والا واقعہ 30 نومبر 2024 کو پیش آیا تھا اور تاحال بچی کی طبیعت ناساز ہے۔
سی سی ٹی وی فوٹیجز کی مدد سے پولیس درندہ صفت شخص کو 4 دسمبر 2024 کو گرفتار کرنے میں کامیاب ہوگئی جس کی شناخت راجیو گھوش کے نام سے ہوئی تھی۔
اس کیس کی حساسیت کو سمجھتے ہوئے خصوصی عدالت میں تیز رفتاری سے کیس چلا گیا اور صرف 26 دنوں میں عدالت میں چارج شیٹ پیش کردی گئی۔
پولیس نے سی سی ٹی وی فوٹیجز، ڈی این اے اور دیگر ناقابل تردید شواہد پیش کیے۔ مجرم کے پاس اعتراف جرم کے سوا کوئی راستہ نہیں بچا تھا۔
ٹھوس شواہد اور اعتراف جرم کے باعث عدالت نے درندہ صفت مجرم کو سزائے موت اور 10 لاکھ جرمانے کی سزا سنا دی۔
یاد رہے کہ بچی اب بھی کلکتہ کے آر جی کار میڈیکل کالج اور اسپتال میں زیر علاج ہے۔