کراچی: فائرنگ کے واقعات میں تین افراد زخمی

زخمی ہونے والوں کی شناخت 55 سالہ اکرم، 53 سالہ عبدالغفور اور 23 سالہ شہباز سے کی گئی


فوٹو: فائل

کراچی کے مختلف علاقوں میں فائرنگ کے واقعات میں تین افراد زخمی ہوگئے جس میں ایک شہری ڈاکوؤں کی فائرنگ کا نشانہ بنا۔

تفصیلات کے مطابق قائد آباد ڈی سی آفس کے قریب فائرنگ کے واقعے میں ایک شخص زخمی ہوگیا جسے فوری طبی امداد کے لیے جناح اسپتال لیجایا گیا جہاں اس کی شناخت 55 سالہ اکرم کے نام سے کی گئی جبکہ چھیپا حکام کا کہنا ہے کہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے جس کی پولیس مزید تحقیقات کر رہی ہے۔

بلوچ کالونی کے علاقے ڈیفنس ویو فیز ٹو منی مارکیٹ کے قریب فائرنگ سے 23 سالہ شہباز زخمی ہوگیا جبکہ ملیر سٹی کے علاقے گلشن قادری باغیچہ کے بھی فائرنگ سے 53 سالہ عبدالغفور زخمی ہوگیا جسے جناح اسپتال منتقل کر دیا گیا۔

بلوچ کالونی اور ملیر سٹی پولیس دونوں واقعات کو ذاتی جھگڑے کے دوران کی جانے والی فائرنگ کا شاخسانہ قرار دے رہی ہے جبکہ پولیس کی جانب سے مزید تفتیش کا عمل جاری ہے ۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں