حالیہ پاک بھارت کشیدگی کے تناظر میں گلوکار اور اداکار علی ظفر کو ان کی بالی ووڈ فلم 'میرے برادر کی دلہن' کے فلم اور گانون کے پوسٹر سے ہٹا دیا گیا۔
بھارت اور پاکستان کے درمیان حالیہ کشیدگی کے باعث بالی ووڈ میں کام کرنے والے کئی فنکاروں کو ان کی فلموں اور گانوں کے پوسٹرز سے نکال دیا گیا تھا جس میں اب علی ظفر بھی شامل ہوگئے ہیں۔
علی کو کترینہ کیف کے ساتھ ان کی فلم میرے برادر کی دلہن کے ساؤنڈ ٹریک کے کور سے ہٹا دیا گیا ہے۔ علی ظفر نے اس فلم میں اہم کردار ادا کیا تھا، اب حالیہ سوشل میڈیا اور میوزک پلیٹ فارمز پر جاری کردہ کور تصاویر میں وہ شامل نہیں ہیں۔
یاد رہے کہ یہ اقدام اس وقت سامنے آیا ہے جب دونوں ممالک کے درمیان جنگ کے بعد سفارتی و عسکری تناؤ ایک بار پھر شدت اختیار کر گیا۔ یہ پہلا موقع نہیں کہ بھارت میں پاکستانی فنکاروں کو تنقید یا بائیکاٹ کا سامنا کرنا پڑا ہو ماضی میں بھی کشیدگی کے دوران پاکستانی فنکاروں پر پابندی عائد کی جاچکی ہے۔
