سینیٹ کا اجلاس شام کو چھ بجے ہوگا جس کا 8 نکاتی ایجنڈا جاری کردیا گیا ہے۔
سینیٹ اجلاس کے جاری 8 نکاتی ایجنڈے کے مطابق اجلاس شام 6 بجے ہوگا، جس کا آغاز تلاوت کلام پاک سے ہوگا۔
ایجنڈے کے مطابق سینیٹر فیصل سلیم رحمان تین ترامیمی بلز پر رپورٹ پیش کریں گے، سوسائٹیز رجسٹریشن ایکٹ 1860 میں ترمیم پر رپورٹ سینیٹ میں پیش ہوگی۔
اس کے علاوہ نارکوٹک سبسٹینسز ایکٹ 1997 میں ترمیم پر رپورٹ پیش کی جائے گی، قیمتوں پر کنٹرول اور ذخیرہ اندوزی کے قانون میں ترمیم پر رپورٹ بھی ایوان میں پیش ہوگی۔
ایجنڈے کے مطابق سینیٹر سلیم مانڈوی والا انکم ٹیکس ترمیمی بل 2025 پر کمیٹی رپورٹ دیں گے۔ جبکہ انکم ٹیکس ترمیمی بل 2025 پر منظوری کی قرارداد پیش کی جائے گی۔
وزیر خزانہ محمد اورنگزیب مالیاتی بل 2025 سینیٹ میں پیش کریں گے، سینیٹ مالیاتی بل پر سفارشات قومی اسمبلی کو بھیجے گا۔
