بھارتی وکٹ کیپر بیٹر رشبھ پنت نے ورلڈ ٹیسٹ چیمپیئن شپ (ڈبلیو ٹی سی) کی تاریخ میں سب سے زیادہ چھکے لگانے والے بھارتی کھلاڑی بننے کا اعزاز حاصل کر لیا۔
انہوں نے یہ کارنامہ انگلینڈ کے خلاف ہیڈنگلے ٹیسٹ میں ابتدائی روز 65 رنز کی اننگز کے دوران انجام دیا۔
پنت نے 2 چھکوں کی مدد سے اپنا مجموعی ڈبلیو ٹی سی ریکارڈ 58 چھکوں تک پہنچا دیا جبکہ روہت شرما 56 چھکوں کے ساتھ پیچھے رہ گئے۔
رشبھ پنت نے یہ ریکارڈ صرف 35 میچز میں قائم کیا جبکہ روہت نے 40 میچز کھیلے ہیں۔ سردست بین اسٹوکس 54 میچز میں 83 چھکے جڑکر نمبر ون ہیں۔
بھارتی بلے باز نے ڈبلیو ٹی سی میں 2317 رنز، 4 سنچریاں اور 14 نصف سنچریاں بھی اپنے نام کر رکھی ہیں۔
