چینی محققین کا کہنا ہے کہ انہوں نے انسٹنٹ کافی اور دھندلی نظر کا سبب بننے والی آنکھ کی ایک بیماری کے درمیان تعلق دریافت کیا ہے۔
تحقیق میں معلوم ہوا کہ وہ افراد جو انسٹنٹ کافی کو فوقیت دیتے تھے ان کے اس بیماری سے متاثر ہونے کے امکانات دیگر قسم کی کافی پینے والوں کے مقابلے میں سات گُنا زیادہ تھے۔
عمر سے تعلق رکھنے والی بیماری میکیولر ڈی جنریشن (اے ایم ڈی) میں پردہ بصارت کے ایک حصے میکیولا کو نقصان پہنچتا ہے جس سے لوگوں کے پڑھنے، گاڑی چلانے، چہروں کو پہچاننے کی صلاحیت متاثر ہوجاتی ہے۔
محققین کا ماننا ہے کہ ایسا انسٹنٹ کافی کو تیار کرنے کے طریقے کی وجہ سے ہو سکتا ہے جو کہ ایکریلیمائیڈ نامی کیمیکل خارج کرتا ہے جو خون میں داخل ہوکر پردہ بصارت کو نقصان پہنچا سکتا ہے۔
تحقیق کی سربراہی کرنے والی ماہرِ امراضِ چشم ڈاکٹر چی جیا نے خبردار کیا کہ انسٹنٹ کافی اے ایم ڈی کے خطرات میں اضافہ کر سکتی ہے اور اس کی کھپت میں کمی اس بیماری سے بچنے میں مدد دے سکتی ہے۔
ان کا کہنا تھا کہ وہ افراد جن کو اس بیماری کے بہت زیادہ خطرات ہیں ان کو انسٹنٹ کافی پینا چھوڑ دینی چاہیئے۔
