راولپنڈی کے تھانہ ٹیکسلا کے علاقے میں بوائلر پھٹنے سے 2 محنت کش جاں بحق ہوگئے۔
مارگلہ کی پہاڑیوں کے درمیان مبینہ طور پر ٹائروں کو پگھلا کر تاریں نکالنے کے لیے بوائلر نصب تھا۔
پولیس نے کہا کہ گیس زیادہ بھرنے کے باعث بوائلر دھماکے سے پھٹا اور ڈھکن لگنے سے 2 محنت کش جاں بحق ہوگئے۔
مبینہ غفلت برتنے پر بوائلر اور ٹائر پگھلانے کا کارخانہ لگانے والے مالکان کے خلاف مقدمہ درج کرلیا گیا۔
پولیس نے کہا کہ علاقے میں قائم تین مختلف مقامات پر ایسے کارخانے بند کردیے گئے۔
