محکمہ موسمیات ارلی وارننگ سینٹر نے کہا ہے کہ 19 جولائی کو کراچی میں گرج چمک کے ساتھ بارش کا امکان ہے۔
محکمہ موسمیات ارلی وارننگ سینٹر نے اپنے بیان میں کہا کہ آج اور کل موسم جذوی طور پر ابرآلود اور مرطوب رہنے کی توقع ہے، کراچی کا زیادہ سے زیادہ پارہ 34 تا 36 ڈگری کے درمیان ریکارڈ ہوسکتا ہے۔
صبح کے وقت نمی کا تناسب 80 جبکہ شام کے وقت 65 فیصد تک بڑھ سکتا ہے، صوبے کے بیشتر علاقوں میں مون سون کا سلسلہ وقفے وقفے سے جاری ہے، ضلع دادو اور قمبر شہدادکوٹ میں آج گرج چمک کے ساتھ بارش ہوسکتی ہے۔
محکمہ موسمیات کے مطابق کل تھرپارکر، عمرکوٹ، میرپورخاص، ٹھٹھہ، سجاول اور میں گرج چمک کے ساتھ بارش ہوسکتی ہے، 19 جولائی کو میرپورخاص، حیدرآباد، ٹنڈو محمد خان، سانگھڑ، بدین، ٹھٹھہ، سجاول اضلاع میں بارش کا امکان ہے۔
