پاکستان کے حسنین اخترآئی بی ایس ایف عالمی اسنوکر چیمپئن شپ کے انڈر17 ایونٹ کے فائنل میں پہنچ گئے۔
بحرین کے دارالحکومت مناما سے موصولہ اطلاعات کے مطابق جاری چیمپئن شپ کے انڈر 17 ایونٹ کے سیمی فائنل میں حسنین اختر نے پولینڈ کے الیور نیزالیک کو 0-4 سے قابو کرکے ٹائٹل پر نظریں مرکوز کردیں۔
حسنین اخترنے کوارٹرفائنل میں پولینڈ کے کژیزٹوف چاپنک کو1-3 اورپری کوارٹر فائنل میں عمان کے معتصم السعدی کو 0-3 سے شکست دی تھی۔
دوسری جانب عالمی چیمپئن محمد آصف ماسٹرز ایونٹ کے سیمی فائنل میں پہنچ گئے۔ 3 مرتبہ کے عالمی چیمپئن محمد آصف نے کوارٹر فائنل میں میزبان کھلاڑی حبیب صباح کو 0-4 سے قابو کرلیا۔
پری کوارٹر فائنل میں محمد آصف نے متحدہ عرب امارات کے کیوئسٹ محمد شہاب کو 2-4 سے شکست دی تھی۔
