اسلام آ باد:
وفاقی دارالحکومت میں بارش کے سبب راول ڈیم میں پانی کی سطح بلند ترین پوائنٹ پر پہنچ گئی۔
ایکسپریس نیوز کے مطابق پانی کی سطح 1 ہزار 748 فٹ تک پہنچنے پر اسپل ویز کھولنے کا فیصلہ کیا گیا ہے۔
انتظامیہ کا کہنا ہے کہ اسپل ویز کل صبح 6 بجے کھولے جائیں گے، پانی کی سطح 1 ہزار 746 فٹ تک کرنے کے لیے اسپل ویز 5 گھنٹوں کے لیے کھولے جائیں گے۔
ضلعی انتظامیہ کے مطابق تمام متعلقہ اداروں کو احتیاطی تدابیر اختیار کرنے کی ہدایت کردی ہے، ملحقہ ایریاز کے رہائشیوں سے بھی احتیاطی تدابیر اختیار کرنے کی ہدایت کی گئی ہے۔
