وزیر اطلاعات پنجاب عظمیٰ بخاری نے عمران خان کی بہن علیمہ خان پر طنز کرتے ہوئے کہا ہے کہ پھپھو کی خواہش پوری نہ ہوسکی، بھتیجے پاکستان نہیں آرہے۔
اپنے ایک بیان میں عظمیٰ بخاری نےکہا کہ سابقہ بھاوج نے اپنے بچوں کو پاکستان جانے سے روک دیا، مہاتما کے اپنے بچے ہی احتجاج میں شرکت نہیں کریں گے تو انقلاب کیسے آئے گا؟
انہوں نے کہا کہ 5 اگست کا احتجاج آغاز سے قبل ہی فلاپ ہوگیا، علیمہ باجی نے بھی 5 اگست کے نام نہاد احتجاج کی ناکامی کی پیشگی اطلاع دے دی۔
عظمیٰ بخاری کا کہنا تھا کہ پی ٹی آئی کی موجودہ قیادت بھی احتجاج کی حامی نہیں، شہداء کے مجسمے جلانے والے قوم کیلئے نفرت کا نشان بن چکے ہیں۔
وزیر اطلاعات پنجاب نے مزید کہا کہ 9 مئی کے واقعات پر ندامت اور شرمندگی کی بجائے ان کا دفاع کرنا شرمناک ہے، جو لوگ نااہل ہو رہےہیں، وہ ناکام بغاوت کے مرتکب قرار پائے۔
1735117380-0/murtaza-wahab-(1)1735117380-0-180x135.webp)
