حال ہی میں ایک تازہ ترین تحقیق میں نیا خون جمادینے والا مرض دریافت ہوا ہے۔
اسے کینیڈا میں مکیسٹر یونیورسٹی کی محققین کی ٹیم نے دریافت کیا ہے۔ اس دریافت کی رپورٹ نیو انگلینڈ جرنل آف میڈیسن میں بھی شائع ہوئی ہے۔
مرض کا نام monoclonal gammopathy of thrombotic significance ہے۔ یہ مرض کچھ اس طرح دریافت ہوا کہ کینیڈا میں کچھ مریضوں میں خون جمنے کے کیسز رونما ہو رہے تھے، حالانکہ وہ مکمل طور پر اینٹی کوگولنٹس کی مناسب مقدار سے علاج کر رہے تھے۔
ان مریضوں میں ایسے antibodies پائے گئے جن کا اثر کوروناوائرس ویکسین سے متاثر ہونے والا خون جمنے کے ردعمل جیسا تھا جبکہ مریضوں نے ایسی کوئی ویکسین نہیں لگوائی تھی۔
تاہم ان مریضوں میں مخصوص علاج جیسے intravenous immunoglobulin ،ibrutinib اور plasma cell–targeted myeloma therapy سے شفایابی دیکھی گئی۔
یہ دریافت خاص طور پر ان کیسز میں اہم ہے جہاں روایتی anticoagulants بے اثر ہوں، اور تشخیص مشکل ہو۔ اب ڈاکٹر اس مرض کی شناخت کر کے بہتر علاج تجویز کر سکتے ہیں۔
