باجوڑ کی تمام مرکزی شاہراہوں پر آج صبح 11 بجے سے لیکر رات 11 بجے تک 3 روزہ کرفیو کا اعلان کردیا گیا۔
ضلعی انتظامیہ نے کہا کہ 3 روزہ کرفیو کا دورانیہ 12 گھنٹے کیلئے ہو گا، ٹارگٹڈ آپریشن کے پیشِ نظر تحصیل ماموند کے تقریباً 27 علاقوں میں آج سے تین دنوں کیلئے کرفیو ہے، 11 اگست کی صبح 11 بجے سے لیکر 14 اگست کی صبح 11 بجے تک مکمل کرفیو نافذ ہوگا۔
ضلعی انتظامیہ نے عوام سے اپیل کی ہے کہ صبح 10:30 بجے تک اپنی سرگرمیاں ختم کر کے کرفیو کے دوران گھروں تک محدود رہیں، بصورت دیگر کسی ناخوشگوار واقعے کے ذمہ دار خود ہوں گے۔
ضلعی انتظامیہ نے کہا کہ کئی دنوں سے تحصیل ماموند سے کثیر تعداد میں لوگوں کی نقل مکانی جاری ہے، ضلعی انتظامیہ نے متاثرین کیلئے 107 سرکاری اسکولز اور کالجز خالی کردیے ہیں، اس کے علاوہ اسپورٹس کمپلیکس میں 450 ٹینٹس پر مشتمل کیمپ بھی قائم ہے۔
