پاک فوج کے ساتھ اظہارِ یکجہتی کے لیے لاہور میں 24 اگست کو معرکہ حق پاکستان مسکڈ مارشل آرٹس مقابلے ہوں گے۔
ڈی ایچ اے اسپورٹس کمپلیکس میں شیڈول مقابلوں میں پاکستانی فائٹرز ازبکستان، آذربائیجان، ایران، مصر اور مراکش کے فائٹرز کے خلاف مدمقابل ہوں گے۔
اوپن ایم ایم اے چیمپئن شپ میں ایمیچیور فائٹرز حصہ لیں گے، جن میں لڑکے اور لڑکیاں مختلف ویٹ کیٹیگریز کی چھ ٹیموں میں ایکشن میں نظر آئیں گے۔
ایونٹ کے فاتح فائٹرز کو ورلڈ ایم ایم اے چیمپئن شپ، جارجیا میں پاکستان کی نمائندگی کا موقع ملے گا۔
فیڈریشن کے صدر عمر احمد کا کہنا ہے کہ پنجاب حکومت نے ایونٹ کے انعقاد میں بھرپور مدد فراہم کی ہے جو وزیرِ اعلیٰ پنجاب مریم نواز کے اس وژن کا حصہ ہے کہ پاکستان میں انٹرنیشنل معیار کے کھیلوں کو فروغ دیا جائے۔
