لاہور کے علاقے راوی روڈ میں تیزاب نما کیمیکل پھینکنے کا واقعہ پیش آیا جس میں ایک شہری زخمی ہو گیا۔
ایف آئی آر کے مطابق پکی ٹھٹھی الممتاز روڈ کا رہائشی محمد یعقوب اپنی گاڑی پر جا رہا تھا کہ ٹمبر مارکیٹ سگنل پر ایک نامعلوم موٹرسائیکل سوار نے اس پر تیزاب نما کیمیکل پھینک دیا۔
واقعے کے نتیجے میں محمد یعقوب کی گردن جھلس گئی، جسے فوری طبی امداد فراہم کی گئی۔
پولیس کے مطابق راوی روڈ پولیس نے نامعلوم ملزم کے خلاف مقدمہ درج کر کے تحقیقات کا آغاز کر دیا ہے۔
