کراچی:
حب ندی میں نہاتے ہوئے تین نوجوان ڈوب کر جاں بحق ہوگئے، تینوں نوجوان اورنگی ٹاؤن کے رہائشی تھے۔
ایکسپریس کے مطابق حادثے کی اطلاع ملنے پر ایدھی فاؤنڈیشن کی ٹیمیں موقع پر پہنچ گئیں اور ایدھی فاؤںڈیشن کے عملے نے تینوں لاشیں نکال کر فوری طور پر حب سول اسپتال اور بعد ازاں سہراب گوٹھ ایدھی سرد خانے منتقل کردیں۔
ترجمان ایدھی فاؤنڈیشن کے مطابق جاں بحق افراد کی شناخت 18 سالہ ادیب ولد عامر،20 سالہ حذیفہ ولد عبدالحق اور حارث ولد حنیف کے نام سے ہوئی، تینوں نوجوان اورنگی ٹاؤں قصبہ ڈھائی نمبر امام بارگاہ کے عقبی علاقے کے رہائشی تھے۔
ترجمان ایدھی فاؤنڈیشن کے مطابق تینوں نوجوان اپنے دوستوں کے ہمراہ حب ندی سیروتفریح کے لیے گئے تھے اور یہ حادثہ پیش آگیا۔
دریں اثنا حب ندی میں ڈوب کر جاں بحق تین نوجوانوں کی نماز جنازہ علی گراؤنڈ میں ادا کردی گئی،
کراچی: حب ندی میں ڈوب کر جاں بحق ہونے والے تین نوجوانوں میں سے دو کی نماز جنازہ ادا کردی گئی جس میں علاقہ مکینوں کی بھی بڑی تعداد نے شرکت کی۔
