پاکستان پیپلزپارٹی کے چیئرمین بلاول بھٹو نے پریس کانفرنس کے دوران مداخلت پر خاتون سیکریٹری اطلاعات کو جھاڑ پلا دی۔
تفصیلات کے مطابق پاکستان پیپلزپارٹی کی مشترکہ پارلیمانی پارٹی کے اجلاس کے بعد کے بلاول بھٹو پریس کانفرنس کررہے تھے کہ اس دوران صحافی نے بے نظیر انکم سپورٹ پروگرام صوبوں کے حوالے کرنے سے متعلق سوال کیا۔
اس پر بلاول نے وزیر کا نام لیے بغیر کہا کہ مجھے نہیں اندازہ اپ کس وزیر کی بات کر رہے ہیں تاہم اسی دوران شازیہ مری نے مداخلت کرتے ہوئے کھیئل داس کوہستانی کا نام لیا۔
شازیہ مری کی جانب سے مداخلت کرنے پر بلاول بھٹو نے برہمی کا اظہار کیا اور کہا کہ میں نے آپ سے نہیں پوچھا۔
پی پی کی سیکریٹری اطلاعات نے جواب دیا کہ سر میں بتا رہی تھی، اس بر بلاول نے غصے میں جواب دیتے ہوئے دو بار شکریہ شکریہ کے الفاظ کہے۔
