بھارتی ٹیسٹ ٹیم کے کپتان شبمان گل سری لنکا کے خلاف واحد تین روزہ وارم اپ میچ کے پہلے روز میدان میں نہیں اتر سکے۔
بھارتی کرکٹ بورڈ (بی سی سی آئی) کے مطابق انہیں گزشتہ روز پریکٹس سیشن کے دوران دائیں ہاتھ کی انگلی پر چوٹ لگی تھی جس کے باعث احتیاطی تدبیر کے طور پر انہیں پہلے دن آرام دیا گیا ہے۔
ان کی عدم موجودگی میں نائب کپتان کے ایل راہول ٹیم کی قیادت کر رہے ہیں۔
بی سی سی آئی کا کہنا ہے کہ میڈیکل ٹیم شبمان گل کی انجری پر مسلسل نظر رکھے ہوئے ہے جبکہ آئندہ دو روز میں ان کی شرکت کا فیصلہ طبی معائنے کے بعد کیا جائے گا۔
واضح رہے کہ بھارتی ٹیم پہلے ہی انجری مسائل کا شکار ہے۔ فاسٹ بولر جسپریت بمراہ گھٹنے کی تکلیف کے باعث ٹیسٹ سیریز سے باہر ہو چکے ہیں جبکہ ہرشیت رانا، نتیش کمار ریڈی اور واشنگٹن سندر بھی مختلف انجریز کی وجہ سے دستیاب نہیں ہیں۔
بھارت اور سری لنکا کے درمیان دو ٹیسٹ میچز کی سیریز کا آغاز 15 اگست سے گال میں ہوگا۔
دونوں ٹیموں کے مابین دوسرا ٹیسٹ 23 اگست سے کولمبو میں کھیلا جائے گا۔
بھارتی ٹیم کو امید ہے کہ شبمان گل پہلے ٹیسٹ سے قبل مکمل فٹ ہو جائیں گے۔
