ڈی آئی جی ٹریفک پولیس کراچی نے شہریوں کو مبینہ طور پر ہراساں کر کے رقم طلب کرنے کا نوٹس لیتے ہوئے اہلکار کو معطل کردیا۔
تفصیلات کے مطابق ڈی آئی جی ٹریفک پیر محمد شاہ نے ٹاور کے قریب شہریوں کو مبینہ طور ہراساں کر کے رقم طلب کرنے والے کی ویڈیو سوشل میڈیا پر وائرل ویڈیو کا نوٹس لے لیا۔
ڈی آئی جی نے ویڈیو میں نظر آںے والے اہلکار کیخلاف فوری کارروائی کی جس پر ایس ایس پی ٹریفک ڈسٹرکٹ سٹی نے فوری ایکشن لیا اور کھارادر ٹریفک سیکشن کے ریکارڈ کیپر محمد حنیف کو معطل کر کے لائن حاضر کر دیا۔
ایس ایس پی نے ویڈیو میں موجود سادہ لباس افراد کے خلاف مقدمہ درج کرنے کی بھی ہدایت جاری کرتے ہوئے واقعے کی تحقیقات کا حکم بھی دے دیا۔
