واشنگٹن: امریکی ریاست الاسکا میں ایک چارٹر طیارہ گر کر تباہ ہوگیا جس کے نتیجے میں طیارے میں سوار تمام 8 افراد ہلاک ہوگئے۔
امریکی میڈیا کے مطابق طیارہ اینکریج سے کیپ نیونیہم جا رہا تھا اور کیپ نیونیہم ایئرپورٹ کے قریب حادثے کا شکار ہوا۔
حکام کے مطابق طیارے میں 2 پائلٹ اور 6 مسافر سوار تھے۔ امریکی فیڈرل ایوی ایشن ایڈمنسٹریشن نے تمام افراد کی ہلاکت کی تصدیق کی ہے۔
حادثے کی فوری وجہ معلوم نہیں ہوسکی۔ متعلقہ اداروں نے طیارہ حادثے کی تحقیقات شروع کردی ہیں۔
