لاہور میں کمسن بچی سے مبینہ نازیبا حرکات کی سوشل میڈیا پر ویڈیو وائرل ہونے پر پولیس نے فوری کارروائی کرتے ہوئے دونوں ملزمان کو چند گھنٹوں میں گرفتار کر لیا۔
ڈی آئی جی آپریشنز نے وائرل ویڈیو کا نوٹس لیتے ہوئے لٹن روڈ پولیس کو دونوں ملزمان کو گرفتار کرنے کی ہدایت کی۔ لٹن روڈ پولیس نے فوری کارروائی کرتے ہوئے ویڈیو میں نظر آنے والے دونوں ملزمان کو گرفتار کر لیا۔
پولیس کے مطابق ملزمان کاشف اور حسنین نے مل کر کمسن بچی کی برہنہ غیر اخلاقی ویڈیو بنا کر وائرل کی تھی۔ دونوں ملزمان کے خلاف مقدمہ درج کر کے مزید تفتیش جاری ہے۔
ایس پی منزہ کرامت نے کہا کہ بچوں کا استحصال کرنے والے قانون کے شکنجے سے نہیں بچ سکتے۔
