تہران: ایران کی سپریم نیشنل سکیورٹی کونسل کے سیکریٹری محسن رضائی نے امریکی صدر ڈونلڈ ٹرمپ کے چھوٹے بیٹے بیرن ٹرمپ کے قتل کی ممکنہ سازش سے متعلق رپورٹ کو جھوٹ قرار دے دیا ہے۔
خبر رساں ادارے رائٹرز کے مطابق محسن رضائی نے لبنان کے ٹی وی چینل المنار کو دیے گئے انٹرویو میں کہا کہ بیرن ٹرمپ کے خلاف مبینہ منصوبے سے متعلق رپورٹ درست نہیں اور اسے جھوٹ قرار دیا۔
دوسری جانب امریکی سیکریٹ سروس کا کہنا ہے کہ اسے ایرانی سرکاری ٹیلی ویژن پر نشر ہونے والی ایک ویڈیو کا علم ہے، جس میں امریکی صدر کے چھوٹے بیٹے بیرن ٹرمپ کو قتل کرنے کی ممکنہ سازش کا ذکر کیا گیا تھا۔
محسن رضائی کے بیان کے بعد ایران اور امریکا کے درمیان جاری کشیدگی کے تناظر میں اس معاملے نے مزید توجہ حاصل کرلی ہے۔ تاہم دستیاب معلومات کے مطابق کسی حقیقی حملے یا باقاعدہ سازش کی آزادانہ تصدیق سامنے نہیں آئی۔
