راولپنڈی:
شادی شدہ خاتون کے ساتھ زیادتی کا واقعہ پیش آیا ہے، جس میں پولیس نے مقدمہ درج کرکے کارروائی شروع کردی ہے۔
کلر سیداں پولیس نے شادی شدہ خاتون سے زیادتی کے مقدمے میں فوری کارروائی کرتے ہوئے ایک ملزم کو گرفتار کرلیا۔ ترجمان راولپنڈی پولیس کے مطابق مقدمے میں نامزد ملزم کے ساتھی کی گرفتاری کے لیے بھی چھاپے مارے جارہے ہیں۔
مدعیہ نے مقدمے میں الزام عائد کیا کہ گرفتار ملزم اور اس کے ساتھی نے اس کے ساتھ زیادتی کی ہے۔ پولیس نے واقعے کے بعد کارروائی کرتے ہوئے ایک ملزم کو حراست میں لے لیا۔
راولپنڈی پولیس نے کہا کہ گرفتار ملزم کو ٹھوس شواہد کے ساتھ چالان کرکے عدالت میں پیش کیا جائے گا، جبکہ اس کے ساتھی کی گرفتاری کے لیے چھاپوں کا سلسلہ جاری ہے۔
ایس پی صدر انعم شیر نے کہا کہ خواتین سے زیادتی اور ہراسانی ناقابل برداشت ہے۔ پولیس مقدمے میں مطلوب دوسرے ملزم کی گرفتاری کے لیے کارروائیاں جاری رکھے ہوئے ہے۔
