کراچی:
عالمی اور مقامی مارکیٹوں میں سونے اور چاندی کی قیمتوں میں اچانک بڑی کمی ریکارڈ ہوئی ہے۔
فیڈرل بینک امریکا کی افراط زر میں کمی سے متعلق اقدامات سے مستقبل میں شرح سود میں متوقع کمی کے خدشات سے عالمی اور مقامی مارکیٹوں میں سونے اور چاندی کی قیمتوں میں کمی کا رحجان غالب ہوگیا ہے۔
بین الاقوامی بلین مارکیٹ میں فی اونس سونے کی قیمت 151ڈالر کی بڑی نوعیت کی کمی سے 4ہزار 454ڈالر کی سطح پر آگئی ہے جس کے باعث مقامی صرافہ مارکیٹوں میں بھی ہفتے کو فی تولہ سونے کی قیمت 15ہزار 100روپے کی بڑی نوعیت کی کمی سے 4لاکھ 67 ہزار 936روپے کی سطح پر آگئی
اسی طرح مقامی سطح پر فی 10 گرام سونے کی قیمت بھی 12ہزار 946روپے کی کمی سے 4لاکھ 01ہزار 179روپے کی سطح پر آگئی۔
عالمی مارکیٹ میں فی اونس چاندی کی قیمت 3ڈالر 97سینٹس کی کمی سے 66ڈالر 33سینٹس کی سطح پر آنے سے مقامی صرافہ مارکیٹوں میں بھی فی تولہ چاندی کی قیمت 397روپے کی کمی سے 7ہزار 112روپے اور فی 10 گرام چاندی کی قیمت بھی 340روپے کی کمی سے 6ہزار 097روپے کی سطح پر آگئی۔
