مانسہرہ کے تفریح مقام سرن ویلی کی ساڑھے تیرہ ہزارفٹ بلند چوٹی موسی کا مصلیٰ سے واپسی پر غیر ملکی سیاح لا پتہ ہوگیا جس کی تلاش کے لیے کوششیں جاری ہیں۔
آئر لینڈ سے تعلق رکھنے والا سیاح الیگزینڈرہ جمعہ کے روز دوسرے غیر ملکی سیاح کے ہمراہ موسی کا مصلیٰ چوٹی پر گیا تھا، پولیس کے مطابق دونوں غیر ملکی سیاح بغیر این او سی لیے چوٹی پر گئے تھے۔
واپسی پر دونوں دوستوں نے الگ الگ نیچے جانے کی شرط لگائی تھی،گمشدگی کی اطلاع کے بعد پولیس کی بھاری نفری سیاح کی تلاش کے لیے علاقے میں پھیل گئی ہے۔
ایس پی سٹی شاہنواز خان سرچ آپریشن کی قیادت کررہے ہیں۔
