اسلام آباد میں ڈرائیور لیس گاڑی چلانے کے تجربے کے دوران پولیس موبائل سے ٹکر مارنے کے معاملے میں گاڑی کو آٹومیٹ کرنے والے نوجوان کو پولیس نے گرفتار کرلیا۔
پولیس کے مطابق سوشل میڈیا پر وائرل ویڈیو میں نظر آنے والا نوجوان یونیورسٹی کا طالبعلم ہے اور ویڈیو میں نظر آنے والے نوجوان کو گرفتار نہیں کیا گیا۔
پولیس نے گاڑی کو آٹومیٹ کرنے والے نوجوان کو گرفتار کرکے گاڑی سمیت تھانہ سیکریٹریٹ منتقل کردیا۔
آٹومیٹ کی گئی گاڑی بغیر ڈرائیور کے چلتے ہوئے پولیس کی گاڑی سے ٹکرا گئی تھی جس کی ویڈیو سوشل میڈیا پر وائرل ہوگئی، پولیس نے نوجوان کو گرفتار کرکے واقعے کی مزید تحقیقات شروع کردی ہیں۔
