سوات کے علاقے سیدو شریف سینٹرل اسپتال سے نومولود بچی کے اغوا کا واقعہ پیش آیا جس پر پولیس نے بچے کو بازیاب کروالیا۔
ایکسپریس نیوز کے مطابق پولیس نے کارروائی کرتے ہوئے نومولود بچی کو بحفاظت بازیاب کرکے مبینہ طور پر اغوا میں ملوث خاتون کو گرفتار کرلیا۔
پولیس کے مطابق گرفتار خاتون کی شناخت رقیہ زوجہ گل نواب کے نام سے ہوئی ہے، جو اپر دیر کی رہائشی اور اس وقت کوزہ بانڈئی میں مقیم ہے۔
پولیس نے نومولود بچی کو بحفاظت والدین کے حوالے کردیا جبکہ گرفتار خاتون سے مزید تفتیش جاری ہے۔
پولیس اور انتظامیہ نے عوام سے اپیل کی ہے کہ نومولود بچوں کی حفاظت کے لیے اسپتالوں اور گھروں میں خصوصی احتیاطی تدابیر اختیار کریں اور غیر متعلقہ افراد کی نقل و حرکت پر کڑی نظر رکھیں۔
