موٹروے ایم تھری پر جڑانوالہ کے قریب کار اور خراب کھڑے مزدا میں تصادم کے نتیجے میں ایک شخص جاں بحق اور دو زخمی ہوگئے، موٹروے پولیس موقع پر پہنچ گئی۔
ترجمان موٹروے پولیس کے مطابق حادثے میں 38 سالہ حسیب احمد موقع پر جاں بحق جبکہ 80 سالہ فریدہ بیگم شدید زخمی ہوگئیں۔
کار ڈرائیور محمد احمد معمولی زخمی ہوا، زخمیوں کو فوری طور پر تحصیل ہیڈکوارٹر ہسپتال جڑانوالہ منتقل کردیا گیا۔
موٹروے پولیس اور ریسکیو ٹیموں نے بروقت امدادی کارروائیاں مکمل کیں، ٹریفک معمول کے مطابق جاری ہے۔
ترجمان موٹروے پولیس کے مطابق حادثے کا سبب بظاہر کار ڈرائیور کی لاپرواہی تھی۔
